Myftiu i Kosovës, Naim Tërnava ka uruar ipeshkvin, Dodë Gjergjin me rastin e festës së Krishtlindjeve.

Në urimin e tij, Tërnava ka thënë se kjo festë është moment i veçantë për besimtarët e krishterë, sepse në zanafillën e saj ka lindjen, shpresën e mbarësinë, shkruan Arbresh.info.

Ndërkaq shtoi se festat festarë janë momente reflektimi.

“Festa e Kërshëndellës është moment i veçantë për besimtarët e krishterë, sepse në zanafillën e saj ka lindjen, shpresën e mbarësinë. Festat fetare te ne, ashtu si edhe besimet tona, te populli ynë gjithherë kanë qenë momente të reflektimit, që kanë përçuar unitet, dashuri, mirëkuptim e harmoni, vlera këto të shtresuara thellë në identitetin tonë.”, thuhet në mesazhin e urimit për ipeshkvin Dodë Gjergji.

Ndër të tjera, myftiu i Kosovës u ka uruar shëndet, mbarësi dhe lumturi.

“Zotni Ipeshkëv, përmes jush, uroj e përgëzoj edhe të gjithë praninë ndërkombëtare katolike në Kosovë. Duke ju përshëndetur, ju dëshiroj shëndet, mbarësi e lumturi! “, uron Tërnava./Arbresh.info/