Ambasadori i Suedisë në Kosovë, Jonas Westerlund ka bërë të ditur se sot ka vizituar familjen e Liridona Ademaj në fshatin Rracaj të Gjakovës.

Me anë të një postimi në “X”, ai tha se i ka shprehur ngushëllime familjes për vrasjen e Liridonës, shkruan Arbresh.info.

“Sot në mëngjes vizitova familjen Ademaj në Rracaj për të përcjellë ngushëllimet e mia të përzemërta për vrasjen e tmerrshme të anëtarit të familjes së tyre Liridona, bashkëqytetare suedeze.”, shkroi ai.

Ndër të tjera, ambasadori suedez ka përshëndetur reagimin e shprejtë të policisë dhe prokurorisë për sjelljen e të dyshuarve para drejtësisë.

“Përshëndes reagimin e shpejtë të Policisë dhe Prokurorisë së Kosovës për sjelljen e të dyshuarve para drejtësisë.”, shkruan Westerlund./Arbresh.info/

This morning, I visited the Ademaj family in Rracaj to convey my heartfelt condolences for the horrific murder of their family member Liridona, a fellow Swedish citizen. I salute the prompt response from the Kosovo Police & Prosecutors in bringing the suspects to justice.

— Ambassador of Sweden to Kosovo (@AmbSwedenKosovo) December 3, 2023