Balla: Historia jonë është një histori që na bën krenarë

13:13 | 29 Nëntor 2023
E.G

Ministri i Brendshëm i Shqipërisë, Taulant Balla ka ndarë momente nga festa e Pavarësisë me shqiptarët që jetojnë dhe punojnë në Britaninë e Madhe.

Në mbishkrimin e videos, Balla ka shkruar se kjo ditë bën bashkë me mendime e me zemër, çdo shqiptar, çdo arbëresh dhe çdo mik të vërtetë të shqiptarëve, shkruan Arbresh.info.

“Historia jonë është një histori që na bën krenarë.”, u shpreh ai.

Sipas tij, kjo histori është e atij kombi që gjithmonë është dashur të luftojë gjithmonë për liri.

“Ajo është historia e një kombi të cilit i është dashur të luftojë gjithmonë për lirinë, pavarësinë integritetin dhe dinjitetin tonë kombëtar.”, tha ndër të tjera ai.

“Gëzuar 111 vjetorin e Pavarësisë!”, uroi ai./Arbresh.info/