Ish presidentja e vendit, Atifete Jahjaga po qëndron në Shqipëri, me rastin e festës së 28 Nëntorit.

Jahjaga tha se në këtë ditë të veçantë kujtuan gjithë mundin e sakrificën e dhënë për ta ndërtuar kombin e për të përparuar në sfera të ndryshme.

Sipas saj, Shqipëria ka bërë progres të mahnitshëm. E ndërtues të suksesit të saj janë të gjithë- të rinj e të moshuar, vajza e djem, gra e burra, intelektualë, ushtarë, kryeshtetas, e shkencëtarë.

Postimi i plotë i saj:

Së bashku me Kryebashkiakun dhe mikun tim Erion Velijaj dhe Drejtoreshën e Unionit të Bashkive Shqiptare në Rajon Andriola Kambo, në mesin e shumë miqve të kombit shqiptar, festuam 111 vjetorin e shpalljes së pavarësisë së Shqipërisë.

Në këtë ditë të veçantë kujtuam gjithë mundin e sakrificën e dhënë për ta ndërtuar kombin e për të përparuar në sfera të ndryshme. Në gjithë këto vite shtetësi, Shqipëria ka bërë progres të mahnitshëm. E ndërtues të suksesit të saj janë të gjithë- të rinj e të moshuar, vajza e djem, gra e burra, intelektualë, ushtarë, kryeshtetas, e shkencëtarë. Rroftë Shqipëria e shqiptarët!