Sekretari i Përgjithshëm i NATO-s, Jens Stoltenberg nesër do të fillojë vizitën në rajonin e Ballkanit.

Fillimisht, ai do të vizitojë Bosnjën ndërsa pasditë do të mbërrijë në Kosovë ku do të takohet me presidenten, Vjosa Osmani dhe kryeministrin Albin Kurti, shrkuan Arbresh.info.

Sipas njoftimit në NATO-s, Stoltenberg do të vizitojë Kampin e KFOR’it “Nothing Hill”, ku do të takohet me Komandantin e KFOR’it dhe do t’iu adresohet trupave.

Takim do të ketë edhe me Drejtorin e Ekipit Këshillues dhe Ndërlidhës të NATO-s, gjeneral brigade Hammerstein.

Ndërkaq më 21 nëntor (të martën), sekretari i përgjithshëm i NATO-s do të vizitojë Serbinë ku do të ketë takime me presidentin e Serbisë, Aleksandar Vuçiq dhe kryeministren Ana Brnabiq.

Në po të njëjtën ditë, Stoltenberg parashihet të vizitojë Maqedoninë e Veriut për t’u takuar me presidentin Stevo Pendarovski dhe kryeministrin Dimitar Kovaçevski.

Gjatë kësaj vizitë ai pritet të akohet edhe  me kryetarin e Kuvendit të Maqedonisë së Veriut, Talat Xhaferi dhe do të mbajë një fjalim para Kuvendit.

Të mërkurën, më 22 nëntor, sekretari i Përgjithshëm do të marrë pjesë në një takim me liderët aleatë nga rajoni.

Kryeministri i Shqipërisë, Edi Rama, presidenti i Kroacisë, Zoran Milanoviq, kryeministri i Malit të Zi, Milojko Spajiq dhe kryeministri i Sllovenisë, Robert Golob, janë ftuar të marrin pjesë, thuhet në njoftimin e NATO-s./Arbresh.info/