Nesër, Komisioni për Punë të Jashtme dhe Diasporë i Kuvendit të Kosovës do të organizojë tryezën ndërparlamentare të komisioneve për punë të jashtme dhe komisioneve për integrim evropian të Kuvendit të Kosovës, Shqipërisë dhe Maqedonisë së Veriut.

Tryeza pritet të filloj nga ora 10:30, ndërsa do të marrin pjesë nënkryetarja e Kuvendit, Saranda Bogujevci, zëvendëskryeministri Besnik Bislimi dhe zëvendëskryeministrja, njëherësh ministre e Punëve të Jashtme dhe Diasporës, Donika Gërvalla, përcjell Arbresh.info.

Mysafirë të tjerë do të jenë përfaqësues nga Parlamenti i Bullgarisë, Kroacisë dhe Bosnjë e Hercegovinës.

Temat e diskutimit janë

• Bashkëpunimi rajonal;
• Integrimi në Bashkimin Evropian;
• Angazhimi i diasporës;
• Marrëdhëniet ndërkombëtare.

Në fund të kësaj tryezë do të nënshkruhet një memorandum mirëkuptimi./arbresh.info/