Skuadra nga Prizreni, Bashkimi sot ka ndarë rrugët me Valmir Kakrukin.

Lajmi e ka konfirmuar vetë klubi basketbollistik Bashkimi, në rrjetin social Facebook, shkruan Arbresh.info.

“Me kërkesë të lojtarit, klubi ynë ka shkëputur marrëveshjen e bashkëpunimit me lojtarin Valmir Kakruki”, thuhet në njoftimin e Bashkimit.

Prizrenasit gjithashut kanë falenderuar lojtarin për kontributin e dhënë.

Kakruki ka menduar shpejtë të ardhmen e tij dhe është transferuar tek skuadra e Çair 2030.

Ky klub bënë pjesë në Superligën e Maqedonisë së Veriut dhe është nga qyteti i Shkupit.

Valmiri ka përvojë në elitën e Maqedonisë ku ka luajtur edhe më herët atje, para se të transferohej tek Sigal Prishtina.

Kujtojmë se Kakruki ka qenë sezonin e kaluar pjesë e Prishtinës teksa këtë verë u transferua tek Bashkimi por që nuk rezultoi transfer i suksesshëm.

Bashkimi sipas gjitha gjasave këto ditë pritet të zyrtarizoj zëvendësuesin e Kakrukit, bëhet fjalë për një lojtar që e njeh mjaftë mirë kampionatin e Kosovës./Arbresh.info/