Kryeministri i Shqipërisë, Edi Rama ka njoftuar se kanë rindërtuar edhe dy shkolla të reja me standarde evropiane.

Shkolla 9-vjeçare “Servet Agolli” dhe gjimnazi “14 Engjejt”,, do të hapin dyert së shpejti, ku sipas Ramës garantojnë një mjedis mësimor bashkëkohor, si për nxënësit ashtu edhe për mësuesit.

“Edhe dy shkolla të reja rindërtohen me standarde europiane.Shkolla 9-vjeçare “Servet Agolli” dhe gjimnazi “14 Engjejt”, janë dy shkollat e sapo rikonstruktuara në Buçimas të Pogradecit, me një financim të Ministrisë së Arsimit dhe Sportit, në bashkëpunim me bashkinë Pogradec, të cilat do të hapin dyert së shpejti, për të garantuar një mjedis mësimor bashkëkohor për nxënësit dhe mësuesit”, shkruan Rama.

Tutje, kryeministri shqiptar shkruan se dhe 60 shkolla të reja janë duke u rindërtuar në gjithë vendin.

“60 shkolla të reja po rindërtohen dhe do të rehabilitohen në të gjithë vendin, falë financimit të Ministrisë së Arsimit dhe Sportit, bashkive dhe partnerëve tanë ndërkombëtarë”, shkruan Rama,/Arbresh.info/