Haradinaj: Afrim Zhitia dhe Fahri Fazliu motivuan brezat t’i japin fund robërisë përmes luftës sonë çlirimtare

10:49 | 2 Nëntor 2023
E.G

Kryetari i Aleancës për Ardhmërinë e Kosovës, (AAK), Ramush Haradinaj ka bërë homazhe te heronjtë e kombit, Afrim Zhitia e Fahri Fazliu në 34 vjetorin e rënies së tyre.

Me anë të një postimi në Facebook, Haradinaj tha se ata i takojnë brezit të hershëm të lëvizjeve për liri, i atdhetarëve që ranë për çlirimin e Kosovës, shkruan Arbresh.info.

“Sot, në 34-vjetorin e rënies, kujtojmë e nderojmë dy heronjtë e kombit, Afrim Zhitia e Fahri Fazliu. Ata i takojnë brezit të hershëm të lëvizjeve për liri, i atdhetarëve që ranë për çlirimin e Kosovës. Pa asnjë dyshim, Afrimi e Fahriu janë atdhetarët e hershëm që me jetën dhe veprën e tyre motivuan brezat që në fundshekullin e kaluar t’i japin fund robërisë përmes luftës sonë çlirimtare.”, u shpeh Haradinaj.

“Lavdia u takon të rënëve në secilën etapë të historisë sonë të lavdishme!”, përfundoi ai./Arbresh.info/