Medon Berisha, futbollisti i Kombëtares U21 të Shqipërisë, debutoi për 90 minuta në ndeshjen e Lecces në Kupën e Italisë kundër Parmas.

Lecce pësoi disfatë 2:4 nga Parma, në kuadër të fazës 1/16 në Kupën e Italisë.

Berisha, 20-vjeçar ishte titullar te Lecce dhe u aktivizua për gjatë gjithë ndeshjes, madje duke u vlerësuar si më i miri në fushë nga trajneri i tij, D’Aversa.

Ky i fundit pas ndeshjes lavdëroi futbollistin shqiptar për paraqitjen e tij.

“Duke parë rezultatin mund të them se ishte humbje paksa e rëndë. Nuk mund të pësojmë katër gola. Sa i përket Berishës, ai tregoi se nuk është një lojtar që po luan me të rinjtë. Kam pasur gjithashtu përgjigje të rëndësishme nga lojtarët e tjerë. Nëse më duhet të analizoj më të mirët në fushë, Berisha ishte ndoshta më i miri”, tha pas ndeshjes trajneri i Lecces, Roberto D’Aversa.

Berisha është pjesë e Lecces nga vera e vitit 2022, fillimisht në grupmoshën U19 e më pas edhe në atë A.

Berisha ishte edhe ish-futbollist i “shpresave” U21 të Kosovës, ndërsa vjen nga Suhareka./Lajmi.net/