100 mamografi u realizuan për 3 ditë në pjesën veriore të Mitrovicës

12:58 | 31 Tetor 2023
E.G

Në pjesën veriore të Mitrovicës, brenda 3 ditësh janë realizuar 100 kontrolle të mamografisë.

Kështu bën të ditur Lëvizja Vetëvendosje me anë të një postimi në Facebook, shkruan Arbresh.info.

LVV thekson se mamografia është bërë kryesisht nga gra të komunitetit serb dhe jo vetëm.

“Në kuadër të muajit për ndërgjegjësimin ndaj sëmundjes së kancerit të gjirit, janë duke u realizuar kontrolle në të gjitha komunat. Në pjesën veriore të Mitrovicës, brenda 3 ditësh janë realizuar 100 kontrolle të mamografisë, kryesisht gra të komunitetit serb dhe jo vetëm.”, thuhet në njoftim.

Ndër të tjera, LVV njofton se këto shërbime dhe të tjera do të vazhdojnë të ofrohen për qytetarë në të gjithë territorin e Republikës së Kosovës./Arbresh.info/