Deputeti i Lëvizjes Vetëvendosje (LVV), Eman Rrahmani është takuar me kryetarin e Prishtinës, Përparim Rama.

Me anë të një postimi në Facebook, Rrahmani ka bërë të ditur se në takim ndër të tjera kanë folur edhe për ndërtimin e unazës së Kryeqytetit, që ka thënë se është “nevojë jetike përt funksionimin normal të Prishtinës”, si dhe ndërtimin e rrugës A, që ka thënë se është “i vonuar keq shumë dhe duhet të përfundojë sa më shpejtë”, shkruan Arbresh.info.

Tutje ai shtoi se Prishtina është e të gjithëve dhe të gjithë duhet të japim kontributin tonë.

“Takim shumë konstruktiv me Kryetarin e Prishtines z. Perparim Rama.

-Studimi i fizibilitetit per Kodren e Trimave

-Projektet të cilat jane duke u zhvillu dhe projektet që priten të fillojnë për Kodren e Trimave

-Ndërtimi i unazës se Kryeqytetit si nje nevoj jetike për funksionimin normal të Prishtines.

-Ndërtimi i rruges A i vonuar kaq shumë duhet të përfundoj sa më shpejtë.

Këto ishin disa nga temat që diskutuam bashkërisht me Kryetarin për të mirën e Prishtinës. Prishtina është e të gjithëve dhe të gjithe duhet të japim kontributin tonë.”, ka shkruar ai.

Rrahmani tha se deputetët, ministrat dhe qeveria janë të obliguar të punojnë në këtë drejtim.

“Ashtu sikurse është i obliguar kryetari Rama, jemi të obliguar të punojmë e të angazhohemi edhe ne si deputet, ministra, qeveri e secili që ka pozita publike në këtë drejtim.”, shtoi ai.

“Tirana, Shkupi dhe të gjitha kryeqytetet tjera kanë ikur shumë larg nga Prishtina me zhvillim, andaj na duhet të jemi #bashkëpërPrishtinën”, përfundoi ai./Arbresh.info/