Deputeti i Lidhjes Demokratike të Koosvës, Avdullah Hoti ka reaguar pasi menaxhmenti i Trepçës ka shkarkuar kryetarin e Sindikatës së Minatorëve, Ibrahim Jonuzi, nënkryetarin e sindikatës, dy anëtarë dhe një minator.

Sipas Hotit, kjo është e paprecedent, shkruan Arbresh.info

Përmes një postimi në rrjetin social Facebook, ish-kryeministri i Kosovës thotë se ky mentalitet ndëshkues i menaxhmentit është absurd në kohën kur greva po vazhdon në ditën e shtatë.

Lexo edhe:

Kreu i Sindikatës së Minatorëve s’ka njohuri për suspendimin e tij

“Ndërkohë që minatorët vazhdojnë grevën, Menaxhmenti i Trepçës shkarkon udhëheqësit e sindikatës së minatorëve. Kjo është e paprecedent. Ky mentalitet ndëshkues i menaxhmentit është absurd në kohën kur greva po vazhdon në ditën e shtatë. Ky veprim nuk është në funksion të gjetjes së zgjidhjes. Përkundrazi”, ka shkruar Hoti.

Lexo edhe:

Suspendohen nga puna në Trepçë, kryetari i sindikatës dhe katër të tjerë

Tutje, Hoti shtoi se nuk është koha për t’i hedhur benzinë zjarrit, pasi siç thekson ai, shëndeti i minatorëve është mbi të gjitha.

“Edhe nëse menaxhmenti ka ligjërisht të drejtë për veprimet e ndërmarra, tani është koha për të negociuar 24 orë për të gjetur zgjidhje të balancuar e të pranueshme për të gjitha palët. Nuk është koha për t’i hedhur benzinë zjarrit. Shëndeti i minatorëve është mbi të gjitha”, tha Hoti./Arbresh.info

Lexo edhe:

BSPK: Largimi i përkohshëm nga puna i punëtorëve të Trepçës, i rrezikshëm