Balla: Policia e Shtetit po intensifikon kontrollet e veta për armëmbajtjet pa leje

23:48 | 24 Tetor 2023
E.G

Ministri i Brendshëm i Shqipërisë, Taulant Balla ka përgëzuar aksionet e Policisë së Shtetit në Durrës, Tiranë dhe Elbasan për armëmbajtjet pa leje.

Me anë të një postimi jnë Facebook, Balla tha që Policia e Shtetit po intensifikon kontrollet e veta në të gjithë territorin për vënien para drejtësisë të personave në kërkim dhe goditjen e armëmbajtjes pa leje, shkruan Arbresh.info.

“Policia e Shtetit po intensifikon kontrollet e veta në të gjithë territorin për vënien para drejtësisë të personave në kërkim dhe goditjen e armëmbajtjes pa leje. Do të bëjmë gjithçka, me më shumë angazhim sesa më parë, që kjo shpërfillje e rëndë ndaj ligjit dhe arrogancë e hapur ndaj shoqërisë sonë të luftohet nga Policia e Shtetit me vendosmëri. Përgëzoj aksionet e Policisë së Shtetit në Durrës, Tiranë dhe Elbasan”, ka shkruar Balla./Arbresh.info/