Ish-presidenti i Kosovës, Fatmir Sejdiu, ka reaguar pas vdekjes së ish-presidentit finlandez, Marttin Ahtisaari duke thënë se këtë lajmë e pranoi me shumë dhimbje.

Me anë të një postimi në Facebook, Sejdiu tha se Ahtisaarin kanë shumë kujtime teksa shtoi se ai ka luajtur një rol kyç në procesin e bisedimeve në Vjenë, shkruan Arbresh.info.

“Kam shumë kujtime nga takimet me presidentin Ahtisaari, Emisarin Special të Sekretarit të Përgjithshëm të OKB-së, diplomatin, që luajti rol kyç në procesin e bisedimeve në Vjenë. Këto bisedime hapën rrugën për shpalljen e Pavarësisë nga Kuvendi i Kosovës, më 17 shkurt 2008”, tha Sejdiu,

“Janë të paharrueshme bisedimet e Vjenës 2006-2007 dhe veçmas takimet me Emisarin Special të Sekretarit të Përgjithshëm të OKB-së, laureatin e shumë shpërblimeve dhe të dekoratave në mesin e të cilave edhe të Çmimit Nobel për Paqe, Presidentin e Finlandës Martti Ahtisaari”, shkroi Sejdiu.

Ndër të tjera, Sejdiu deklaroi se Ahtisaari ka pasur angazhim të veçantë lidhur me Kosovën në takimet me Milloshoviqin, ku aty ai i kishte thënë se duhet hequr dorë nga dhuna dhe terrori në Kosovë, ose do të barte pasoja të rënda ai dhe vendi i tij.

Postimi i plotë: