Ambasadori i SHBA-së në Kosovë, Jeffrey Hovenier, ka shprehur shqetësimin e tij për mobilizimin e ushtrisë serbe në kufirin me Kosovën, teksa ka bërë thirrje për de-eskalim të menjëhershëm.

Hovenier me anë të një postimi në platformën ‘X’, ka thënë se telefonata e mbrëmshme e kryeministrit të vendit, Albin Kurti me Këshilltarin për Çështje të Sigurisë Kombëtare të Presidentit Joe Biden, Jake Sullivan, ka qenë e rëndësishme, shkruan Arbresh.info.

“Telefonata e rëndësishme mes Këshilltarit Sullivan dhe Kryeministrit Albin Kurti. Shtetet e Bashkuara janë të shqetësuara rreth mobilizimit ushtarak të Serbisë afër kufirit me Kosovëm. Bëjmë thirrje për de-eskalim të menjëhershëm dhe konsiderojmë se implementimi i plotë i marrëveshjes nga të dy palët, e arritur në dialogun e ndërmjetësuar nga Bashkimi Evropian që të arrihet stabilteti”, ka shkruar Hovenier./Arbresh.info

Important call between NSA @JakeSullivan46 and Prime Minister Kurti. The United States is concerned about Serbian military mobilizations near the Kosovo border. We are urging immediate de-escalation, and we consider the full implementation by both sides of the agreements reached… https://t.co/oJeLNQHwHD

— Ambassador Jeff Hovenier (@USAmbKosovo) September 30, 2023