Prishtina dhe Dukagjini ndajnë pikët në kryendeshjen e javës së shtatë në Superligën e Kosovës në Futboll, ndeshja përfundoi me rezultat 2-2.

Kryqytetasit nuk arrin të arkëtojnë tre pikët para publikut të tyre në Fadil Vokrri, shkruan Arbresh.info.

Bardhekaltërit e nisin më mirë sfidën duke shënuar në minutën e 22-të përmes Krasniqit, por nuk vonoi shumë dhe Dukagjinin barazoi rezultatin në 1-1, në minutën e 30-të pas autogolit që shënoi Muja.

Tjetër autogol pati edhe në fundin e pjesës së parë kur në kohën shtesë, lojtari Basri i Dukagjinit shënoi në portën e tij për t’a dërguar Prishtinën me epërsi 2-1 pas pjesës së parë.

Vetëm dhjetë minuta pas pjesës së dytë Merlaku barazoi shifrat në 2-2.

Më gola nuk pati dhe kryendeshja e javës së shtatë përfundoi në “paqe”.

Me këtë barazim Prishtina pozicionohet në vendin e katërt me 10 pikë ndërsa klinasit janë në pozitën e shtatë me shtatë pikë në po aq ndeshje.

Prishtina në xhiron e radhës luan si mysafir i Fushë Kosovës ndërsa Dukagjini pret në shtëpi Feronikelin./Arbresh.info/