Ish-presidenti i Kosovës, Fatmir Sejdiu ka thënë se vrasja e një polici dhe plagosja e një tjetri në Bërnjak nuk mund të konsiderohet e rastësishme dhe as si ndeshje me grupe kriminale.

Sipas Sejdiut, kjo është një goditje e qëllimshme kundër pavarësisë dhe integritetit territorial të Republikës së Kosovës, transmeton Arbresh.info.

“Ky është një paralajmërim se lufta speciale e Serbisë kundër Kosovës tash po hynë në një fazë të re”, ka shkruar Sejdiu në Facebook.

Mes tjerash, Sejdiu theksoi se Serbia po e luan një lojë të rrezikshme dhe sic thotë ai, destabilizimi i Kosovës është i qëllimshëm.

“Të mbështetur, si gjithmonë gjer më tani, këto grupe kriminale duan goditje të sovranitetit dhe integritetit të Kosovës. Destabilizimi i Kosovës dhe pengimi i zhvillimit të saj “deri në dështim” janë qëllimi. Loja e rrezikshme të cilën Serbia po e luan, sigurisht se është edhe përtej këtij qëllimi. Ndërlidhja e saj me zhvillimet e tjera të rajonit, si ato në Bosnje janë vetëm një tregues se ajo i nxitë dhe i don krizat si mjet mbijetese. Është momenti i fundit që të kuptohen këto ogure që rrezikojnë paqën dhe stabilitetin në rajon”, shkroi ish-presidenti i Kosovës./Arbresh.info