Ministria e Shëndetësisë ka shpallur rezultatet përfundimtare të konkursit për Shkollim Specialistik.

Sipas njoftimit, konkursi për Shkollim Specialistik për herë të parë ka përfshirë kriteret e parapara me Udhëzimin e ri për Shkollim Specialistik UA 01/2023, shkruan Arbresh.info

Numri i specializimeve është mbështetur në tri kriteret bazë: Kuadrin deficitar, Kapacitetet Mentoriale dhe Kapacitetet infrastrukturore bën të ditur ministria.

Përmes këtij konkursi, janë ndarë 359 specializime për lëmi klinike, mjekësi familjare dhe për nevoja të institucioneve shëndetësore private.

“Në ndërkohë, Ministria e Shëndetësisë dhe Bordi për Shkollim Specialistik tashmë janë duke punuar në planifikimin nevojat të resurseve humane të institucioneve shëndetësore në vend për shpalljen e konkursit të radhës.”, thuhet në njoftim./Arbresh.info