Nga sot në disa rrugë në kryeqytet do të ndryshojë qarkullimi i mjeteve motorike

17:00 | 9 Shtator 2023
E.K

Komuna e Prishtinës ka njoftuar se nga kjo e shtunë do të ndryshojë qarkullimi i mjeteve motorike në rrugën “Ali Hadri”, nga kryqëzimi i rrugës “Emin Duraku”, në drejtim të rrugës “Afrim Loxha”.

Përmes një postimi në Facebook, Kryeqyteti Prishtina, ka deklaruar se kjo po bëhet në kuadër të projekteve të sinjalizimit vertikal dhe horizontal të shenjave të trafikut rrugor, përcjell Arbresh.info.

“Në kuadër të projekteve të sinjalizimit vertikal dhe horizontal të shenjave të trafikut rrugor, nga ekipi i mobilitetit i Drejtoria e Shërbimeve Publike, që nga sot, më datë 9.9.2023, do të ndryshojë qarkullimi i mjeteve motorike në rrugën “Ali Hadri”, nga kryqëzimi i rrugës “Emin Duraku”, në drejtim të rrugës “Afrim Loxha”, thuhet në njoftim./Arbresh.info/