Kombëtarja e Kosovës është grumbulluar për ndeshjet e muajit shtator me Zvicrës dhe Rumanisë.

Pas rezultateve zhgënjyese në ndeshjet e fundit, “Dardanët” synojnë të rikthehen në fitore të shtunën, ku përballë do të kenë kombëtaren e Zvicrës në stadiumin legjendar “Fadil Vokrri”, shkruan arbresh.info.

Federata e Futbollit të Kosovës, ka njoftuar se seanca stërvitore e sotme në kampin Nacional në Hajvali do të jetë e hapur për publikun.

FFK ka ftuar të gjithë tifozët që sot mund të bëjnë fotografi dhe të bashkëbisedojnë me lojtarët e Kombëtares së Kosovës.

Postimi i plotë:

Sot është dita për ta shfaqur dashurinë tuaj ndaj futbollit dhe Kombëtares së Kosovës!

Ora: 17:30 – Vendndodhja: Kampi Nacional në Hajvali

Çfarë ka më të mirë sesa të shikosh talentin dhe pasionin e futbollistëve dardanë në aksion? Stërvitja e sotme do të jetë e hapur për publikun!

Bëhuni pjesë e këtij momenti dhe pasuroni koleksionin tuaj të fotove me idhujt tuaj të futbollit!

Mos harroni të merrni nënshkrimet e futbollistëve të preferuar e të ndani këtë moment të veçantë me ta!

Pa dyshim ky do të jetë një moment i mrekullueshëm që do të mbahet mend për shumë kohë për secilin prej jush!

Të bashkuar në përkrahje të Kombëtares tonë në rrugëtimin e tyre drejt suksesit.

Shihemi të gjithë sot në Kampin Nacional në Hajvali në orën 17:30! /arbresh.info/