Sveçla: Policia jonë mes sfidash të ndryshme, me profesonalizëm e përkushtim ka shënuar suksese të shumta

12:38 | 6 Shtator 2023
E.G

Ministri i Punëve të Brendshme, Xhelal Sveçla në 24 vjetorin e themelimit të Policisë së Kosovës, ka thënë se institucioni mes sfidash të ndryshme me profesionalizëm e përkushtim ka shënuar suksese të shumta.

Me anë të një postimi në Facebook, Sveçla u shpreh mirënjohës ndaj tyre, shkruan Arbresh.info.

“Me 6 shtator 1999, pak muaj pas përfundimit të luftës në Kosovë, filloi gjenerata e parë e kadetëve të Policisë së Kosovës. 24 vite më vonë, me 58 gjenerata deri më tash, Policia jonë mes sfidash të ndryshme por me profesonalizëm e përkushtim ka shënuar suksese të shumta.”, tha Sveçla.

“U jam mirënjohës e falenderues secilit e secilës, që në uniformën e Policisë sonë ju ka shërbyer qytetarëve tanë e Republikës sonë në çdo cep të saj.”, u shpreh ai.

“Urime të gjithëve 24 vjetori i themelimit të Policisë së Kosovës!”, uroi ai./Arbresh.info