Është dërguar në Qendrën Klinike Universitare të Kosovës (QKUK) nga forca të shumta të policisë dhe oficerëve korrektues.

Lajmin për vizitën e “italianit”në QKUK, e ka konfirmuar për Arbresh.info drejtori i Klinikës Ortopedike në QKUK, Gani Jashanica.

Ai tha se Andi Pajaziti ishte dërguar në QKUK, për pastrimin e plagëve.

“Po më kanë treguar që ka qenë sot në ambulancën specialistike për t’i kontrolluar dhe pastruar plagët, po ashtu ai do të vij prapë në Klinikën e Ortopedisë për t’i bërë kontrollet. Aktualisht gjendja e tij është stabile”, tha Jashanica.

Ndryshe, Andi Pajaziti, para pak ditësh është dërguar në Burgun e Sigurisë në Dyz, pas një kohe trajtim në Klinikën e Ortopedisë në QKUK.

Kujtojmë se  ‘Italiani’ po dyshohet për vrasjen e Kastriot Ramadanit, me të cilin fillimisht ishin përfshirë në një përleshje fizike, bashkë edhe me të dyshuarit e tjerë, Hisni Gecaj, Gëzim Zakuti dhe i arratisuri, Dukagjin Nikollaj./Arbresh.info/