Është arrestuar një person në Prishtinë, pasi që dyshohet që është përfshirë në një rast të grabitjes, që ka ndodhë sot rreth orës 13:00, në filialin e një banke në sheshin Nëna Terezë në Prishtinë.

Lajmin për Arbresh.info e ka konfirmuar, Flora Ahmeti, zëdhënëse e Policisë së Kosovës për rajonin e Prishtinës.

Sipas njoftimit të policisë, personi i dyshuar, N.D, mashkull, është arrestuar menjëherë pas raportimit të rastit, pak metra larg nga vendi i ngjarjes.

Tutje në njoftim, thuhet se policia është në kërkim të personit të dytë të dyshuar, i cili aktualisht ndodhet në arrati

“Arrestohet një person për grabitje Sot nga zyrtarët policor, është arrestuar një person, për të cilin ekziston dyshimi i arsyeshëm se është i përfshirë në një rast të grabitjes, që ka ndodhë sot rreth orës 13:00, në filialin e një banke në sheshin Nëna Terezë në Prishtinë. Personi i dyshuar, N.D, mashkull, është arrestuar menjëher pas raportimit të rastit, pak metra larg nga vendi i ngjarjes. Lidhur me këtë rast policia është në kërkim të personit të dytë të dyshuar, i cili aktualisht ndodhet në arrati”, thuhet në njoftimin e policisë. /Arbresh.info/