Abbott: Kam pasur nderin të mësoj gjuhën shqipe

16:01 | 14 Gusht 2023
E.H

Ambasadori britanik në Kosovë, Nicholas Abbott ka marrë pjesë në hapjen e Seminarit të 41-të për gjuhën, letërsinë dhe kulturën shqiptare.

ME anë të një poatimi në Facebook, Abbott tha se ka pasur nderin të mësoj gjuhën shqipe.

“Pasi kam pasur nderin të mësoj gjuhën shqipe, ishte kënaqësi të marr pjesë në hapjen e Seminarit të 41-të për gjuhën, letërsinë dhe kulturën shqiptare. Gjatë fjalimit tim theksova se: “Letërsia shqipe, me rrënjët e saj të thella në folklor, poezi dhe prozë, ofron një dritare në shpirtin e një kombi”, shkroi Abbott.

Tutje, ai ka shtuar se veprat e Ismail Kadaresë, Naim Frashërit e shumë të tjerëve, jo vetëm kanë kontribuar në letërsinë botërore, por kanë shërbyer edhe si një urë lidhëse mes kulturave./Arbresh.info/