Janë ndaluar nga policia dy persona në Prishtinë, pasi që njëri nga të dyshuarit kishte publikuar një video me armë në dorë, përcjell Arbresh.info.

Gjatë një kontrolli policor në shtëpinë e të dyshuarve është gjetur dhe konfiskuar një pistoletë me tetë copë fishekë.

Sipas policisë, të dy të dyshuarit janë intervistuar dhe me vendim të prokurorit njëri nga të dyshuarit është arrestuar, ndërsa i dyshuari tjetër është liruar.

“Rr. Fahri Fazliu, Prishtinë 11.08.2023-14:30. Pas një video të publikuar me armë në dorë, policia ka ndaluar dy të dyshuar meshkuj kosovarë, ku gjatë kontrollit në shtëpinë e njërit prej tyre është gjetur dhe konfiskuar një pistoletë me tetë copë fishekë. Dy të dyshuarit janë intervistuar dhe me vendim të prokurorit njeri prej tyre është arrestuar dhe dërguar në mbajtje ndërsa i dyshuari tjetër është liruar”, thuhet në raportin e policisë./Arbresh.info/