Shefja e Grupit Parlamentar të Lëvizjes Vetëvendosje (LVV), Mimoza Kusari-Lila ka pritur në takim delegacionin e Misionit Monetar Ndërkombëtar (FMN) të kryesuar nga Zëvendësdrejtori i Departamentit Evropian, Mark Horton si dhe Shefi i Misionit të FMN-së për Kosovë, Gabriel Di Bella.

Kusari-Lila përmes një postimi në Facebook, tha se fokus i bisedës ishte rritja stabile ekonomike e Kosovës sipas parashikimit prej 4%, rrënia e normës së inflacionit, zhvillimet në sektorin financiar si dhe siç tha ajo, orientimin e duhur i politikave ekonomike të udhëhequra nga Qeveria e Kosovës.

“Përveç tjerash, gjithashtu u diskutua edhe për rolin e Kuvendit në miratimin e agjendës legjislative me fokus të veçantë në Marrëveshjet Ndërkombëtare, si dhe projektligjet të cilat shtyejnë reformat përpara.”, shkruan Kusari-Lila.

Ndër të tjera, ajo tha se u diskutua edhe për bashkëpunimin mes Republikës së Kosovë dhe FMN-së.

“Bashkëpunimin e deritanishëm dhe raportet e frytshme të Republikës së Kosovës me Fondin Monetar Ndërkombëtar, si dhe u shkëmbyen pikëpamje në lidhje me mundësitë zhvillimore, perspektivën e kornizës rregullative e cila forcon stabilitetin financiar, disiplinën fiskale dhe avancon reformat ekonomike.”