Ballkani ka fituar ndeshjen e parë në Conference League, duke e mposhtur Larne.

Përballja e zhvilluar në “Fadil Vokrri” përfundoi me rezultat 3:0.

Pas, ndeshjes Nazmi Gripshi tha se skuadra ka punuar fort.

“E dinim që do të ishte ndeshje e vështirë. E rëndësishme është që erdhëm te fitorja. Ata mbroheshin me gjashtë lojtarë, ndonjëherë edhe me shtatë. I kemi parë pikat e dobëta të kundërshtarit dhe ishim të shpejtë me topin. Në fund, ia arritëm qëllimit. Golat i shënuam pas punës së madhe që kemi bërë gjithë javën. Pas golit të tretë ra ritmi i shënimit të golave por ne qarkulluam topin për ta zënë kundërshtarin në befasi e të shënonim edhe ndonjë tjetër gol. Nga ana tjetër, nuk u rrezikuam në mbrojtje”, është shprehur Gripshi pas ndeshjes.

Pasi u eliminua nga Ludogorets në Champions League, Kampioni i Kosovës do të kërkojë që për të dytin vit radhazi të luaj në fazën e grupeve në Conference League.

Ndeshja e dytë në kompeticonin e tretë të Evropës do të zhvillohet më tre gusht në Irlandë./Arbresh.info/