Sipas  CBS Sports, Al-Hilal janë duke përgatitur një propozim për të joshur sulmuesin e Manchester Cityt, Bernardo Silva, në Arabinë Saudite këtë verë.

E ardhmja afatgjatë e Silvës në Mancheser City mbetet e pasigurt, me sulmuesin portugez të etur për të eksploruar opsione të reja, por kuptohet që një lëvizje në Lindjen e Mesme nuk është në planet e tij.

Megjithatë, kjo nuk e ka penguar Al-Hilal që të vazhdojë me planet për të tërhequr Silva mes raporteve që pretendojnë se ata janë duke përgatitur një ofertë prej 70 milionë euro për anësorin magjepsës.

Menaxheri i Man City, Pep Guardiola, ka qenë i hapur për dëshirën e tij për të mbajtur Silvën në “Etihad Stadium”, por klubi nuk do ta pengojë atë nëse vjen një propozim i përshtatshëm.

Cityzens do të kërkojnë një tarifë prej 100 milionë eurosh për të ndarë rrugët me ish-lojtarin e AS Monaco, i cili është gjithashtu një objektiv afatgjatë për Barcelonën dhe Paris Saint-Germain.

Man City mund të jetë i hapur për të negociuar një tarifë nëse Silva mbetet këmbëngulës për një largim gjatë verës, por klubi me bazë saudite do të duhet të bindë sulmuesin e gjithanshëm për të hequr dorë nga Evropa dhe për të shkuar në Azi.

Al-Hilal janë të përgatitur t’i ofrojnë Silvës një paketë pagash me vlerë 50 milionë euro në vit – një propozim që eklipson shumë atë që ai fiton aktualisht në Manchester./Arbresh.info/