Është aksidentuar një veturë dhe një kamionë në autostradën “Arbër Xhaferi”, ku një person ka mbetur i pa shenja jete.

Rastin për Arbresh.info e ka konfirmuar zëdhënësi i Policisë, Daut Hoxha, i cili shtoi se njëri nga të lënduarit ka plagë më të rënda dhe është përcjellur për trajtim mjekësor.

Njësitet kompetente për menaxhimin dhe kontrollin e trafikut ne autostrade janë marr me rastin dhe deri ne përfundimin vendshiqimit nga mjekësia ligjore do te ketë bllokim te rrugës ne ketë lokacion.

“Rreth orës 17:40, Policia e Kosovës ka pranuar informatën për një aksident trafiku ne autostrada “Arber Xhaferi ” ne Bibaj, Ferizaj, drejtimi Kaqanik.

Policia ka reaguar ne vendin e ngjarjes me njësitet relevante, janë njoftuar ekipet emergjente dhe pas arritjes ne vendin e ngjarjes është konstatuar se ne aksident kane qene te përfshire një kamion dhe një automjet.

Raportohet se një person ka humbur jetën në vendin e ngjarjes si pasoje e aksidentit dhe tre persona tjerë kane marr lëndime trupore, njeri nga ta me lëndime më te renda dhe është percjellur për trajtim mjekësor”, tha ai./Arbresh.info/