E ardhmja e David de Geas si numri një i Manchester United vazhdon të jetë në dyshim, por identiteti i pasuesit të tij të mundshëm mbetet po aq misterioz.

Mediat angleze e kanë nxitur historinë për një lëvizje për Jordan Pickford të Evertonit, ndërsa gazetat portugeze janë të bindura se United dëshiron Diogo Costan e FC Porto.

Ndërkohë, mediat italiane janë të bindura se “Djajtë e Kuq” janë duke përgatitur një ofertë prej 50 milionë eurosh për portierin kamerunian të Interit, Andre Onana.

Edhe Gazzetta dello Sport, e cila javën e kaluar pretendoi se United janë të gatshëm të ofrojnë vetëm 30 milionë euro, tani po thonë se hendeku midis çmimit të kërkuar dhe çmimit të ofertës është mbyllur.

Tuttosport konfirmon pritshmërinë që United do të ofrojë këtë javë, edhe pse ata nuk thonë nëse kjo do të jetë 50 milionë euro magjike apo jo.

Ka ende raporte se një marrëveshje në minutën e fundit me De Gean ende mund të arrihet, por ajo që dihet me siguri është se Erik ten Hag ka thënë publikisht se nuk mund t’i garantojë De Geas statusin numër një sezonin e ardhshëm./Arbresh.info/