Me rastin e Ditës së Çlirimit të Kosovës, kryeministri i vendin Albin Kurti nesër do të marrë pjesë në një sërë aktivitetesh.

Fillimisht, Kurti do të bëjë homazhe te varri i ish- presidentit Ibrahim Rugova në Velani të Prishtinës në ora 08:30.

Pas kësaj, Kurti do të bëjë homazhe te varri i veprimtarit Adem Demaçi në Velani në ora 08:40.

Aktivitetin, i pari i ekzekutivit kosovarë e vazhdon në Prekaz, ku do të bëjë homazhe në Kompleksin Memorial

“Adem Jashari” në ora 09:30.

Siç njofton Zyra e Kryeministrit përmes një komunikate për media, Kurti më pas do të bëjë nderim te pllaka përkujtimore e ushtarëve të rënë të NATO-s, në sheshin “Nënë Tereza” Prishtinë në ora 11:00.

Nga ora 13:00, kryeministri Kurti së bashku me ministrin e Shëndetësisë, Arben Vitia do të vizitojnë Spitalin e Pediatrisë në QKUK, me rastin e përurimit të rezonancës në këtë spital.

Aktivitetet Kurti i përmbyllë në Hotelin “Emerald” ku do të marrë pjesë në pritjen e organizuar nga krerët shtetërorë me rastin e Ditës së Çlirimit në ora 18:00./Arbresh.info/

Lexo edhe:

Kosova nesër feston Ditën e Çlirimit, kjo është agjenda e presidentes Osmani