Specialja konfirmon për Arbresh.info vizitën e Thaçit në Kosovë

15:51 | 29 Maj 2023
Gita

Dhomat e Specializuara të Kosovës kanë konfirmuar lirimin e ish-presidentit të Kosovës, Hashim Thaçi, për të vizituar familjen e tij në Burojë të Skenderajt.

Sipas përgjigjes së zëdhënëses së Dhomave të Specializuara në Hagë, Angela Griep për Arbresh.info, Thaçi është lejuar të vijë në Kosovë të takojë familjen e tij dhe është nën përkujdesje e policisë së EULEX-it dhe Policisë së Kosovës.

“Për shkak të arsyeve humanitare, trupi gjykues ka udhëzuar Sekretarin që të menaxhojë një vizitë paraburgimi në Kosovë për Hashim Thaçin për të takuar familjen. I akuzuari mbetet në paraburgim nga Dhomat e Specializuara. EULEX-i dhe Policia e Kosovës po mbështesin Dhomat e Specializuara të Kosovës”, shprehet Griep.

Ndryshe, siç bëhet e ditur në media, Thaci ka arritur në Kosovë sot rreth orës 12:30, nën masa të ashpra të sigurisë, për ta vizituar nënën e tij, të cilës i është përkeqësuar gjendja shëndetësore. /Arbresh.info/

LEXO EDHE

LAJMI I FUNDIT/ Hashim Thaçi në Kosovë – Arbresh.info