Fituesi i edicionit të dytë të Big Brother VIP Albania, Luiz Ejlli ka bërë rrëfimin e parë që pas përfundimit të formatit.

Artisti shkodran arriti një sukses të jashtëzakonshëm me thyerjen e rekordeve të shikueshmërisë dhe klikimeve duke u konsideruar edhe si fenomen në BBVA.

Por, teksa foli për situatën pas daljes nga shtëpia e famshme, Luizi tha se me suksesin që ka arritur jashtë është abuzuar shumë emri i tij nga persona të caktuar.

Ejlli tha se shumë njerëz kanë shfrytëzuar emrin e tij për përfitimet e tyre derisa ai nuk ishte në dijeni për këtë.

“Unë kam zgjedhe me e bë atë gjë që e ka Luizi vet sepse unë gjatë katër muajve e gjysmë kam treguar një Luiz hakmarrës në kuadër të lojës siç e quanim dhe këtu kam zgjedhe të bëjë Luizin e vërtetë dhe i vërtetë është ky që kam zgjedh t’i shoh në sy të gjithë, i kam se si kanë abuzuar me emrin tim gjatë qëndrimit brenda, duke tregu se çfarë kam bërë unë për Luizin, sa më do Luizi mua, unë këto nuk i dija, i kam parë kur kam dalë jashtë”, tha Luizi.

“Unë i kam studiuar edhe Big Brother-at e kaluar, e kam kuptuar që është një fenomen që ndodh çdo vit, janë disa njerëz që kur fillon Big Brother dalin nga hiçi, rrini 3-4 muaj, mbaron Big Brother fillojnë e vdesin ngadalë, kështu ndodh për çdo vit, dhe iu them mos vdekshi kurrë o Zot”, u shpreh tutje këngëtari.

Luizi mes tjerash ka folur edhe për planet për muzikën pas BBVA, i cili zbuloi se ka nisur punën për këngë të reja ku të përfshira janë edhe disa bashkëpunime me artistët më të njohur të estradës shqiptare.