Drita është rikthyer tek fitorja në Superligën e Kosovës, pas triumfit të sotëm ndaj Llapit me rezultat bindës 3-0 në kuadër të xhiros së 30-të.

Ndeshja nisi mirë për gjilanasit kur në minutën e 29-të arritën golin e parë me anë të Besnik Krasniqit, shkruan Arbresh.info.

Me këtë rezultat u mbyll edhe pjesa e parë. Teksa vetëm dy minuta pas nisjes së etapës së dyte shënoi Abdoul Dante për ta dyfishuar rezultatin.

Teksa vulën fitores ia dha Veton Tusha i cili shënoi në minutën e 63-të për 3-0.

Deri në fund nuk pati gola tjerë dhe Drita arkëtoi tri pikë të arta, duke vazhduar ta ruaj diferencën prej pesë pikëve nga Ballkani, kurse Llapi thellon krizën e rezultateve negative dhe rrezikon seriozisht rënien nga liga.

Pas 30 ndeshjeve, Drita prinë në tabelë me 57 pikë, kurse Llapi është i teti me 33 pikë aq sa ka edhe Ferizaj i nënti.

Xhiron e radhës, kampionia në fuqi e luan ndaj Prishtinës, kurse Llapi përballet me skuadrën e fundit në tabelë, Prishtinën e Re./Arbresh.info