Rizvanolli pyet opozitën: Si është e mundur të dini kaq shumë rreth tenderëve?

12:43 | 26 Prill 2023
E.H

Sot në Kuvendin e Kosovës po zhvillohet një debat parlamentarë lidhur me zhvillimet në Korporatën Energjetike të Kosovës (KEK) dhe përgjegjësinë e institucioneve qendrore në sektorin energjetik.

Ministrja e Ekonomisë, Artane Rizvanolli, në fjalën e saj të rastit i ka pyetur deputetët nga opozita se si është e mundur që ata të dinë kaq shumë rreth tenderëve, njofton Klan Kosova.

“Ministria e Ekonomisë është duke bashkëpunuar me bordin mbikëqyrës të KEK-ut për t’u siguruar se operimet vazhdojnë me sukses. Desha të ju pyes se pse përgjatë këtyre dy viteve aq pak keni folur për politikat, por aq shumë dini për tenderët. Nuk do t’ju pyes sepse ju njoh, andaj nuk ka nevojë për përgjigje”, u shpreh Rizvanolli./Arbresh.info/