16 persona kanë vdekur dhe nëntë të tjerë u lënduan pasi një zjarri ka shpërthyer në një ndërtesë banimi në Dubai, raportojnë mediat lokale.

Zjarri ka ndodhur në zonën Al-Ras, një nga pjesët më të vjetra të Dubait. Ajo është shtëpia e shumë punëtorëve migrantë dhe tregtarëve.

Zjarri shpërtheu në katin e katërt të ndërtesës pesëkatëshe, sipas raportimeve të mediave lokale.

Mbrojtja Civile e Dubait tha për gazetën e Emirateve të Bashkuara Arabe The National se një hetim mbi zjarrin vdekjeprurës ishte duke u zhvilluar.

Ai tha se ishte e rëndësishme që “pronarët dhe banorët e ndërtesave rezidenciale dhe tregtare” të respektojnë plotësisht “kërkesat dhe udhëzimet e sigurisë për të shmangur incidentet dhe për të mbrojtur jetët e njerëzve”.

Ekipet e zjarrfikësve mbërritën në vendngjarje në orën 12:41 me orën lokale të shtunën. Zona Al-Ras është afër tregjeve të arit dhe erëzave të qytetit, të cilat janë atraksione të njohura turistike.

Mes të vdekurve janë katër shtetas indianë dhe tre pakistanezë, thonë mediat lokale.

Deri tani askush nuk është arrestuar për rastin në fjalë, shkruan BBC.