Bashkësia Islame e Kosovës ka njoftuar se do të përkrah dhe mbështesë marshin “Liria ka emër” për t’u solidarizuar me ish-krerët e Ushtrisë Çlirimtare të Kosovës që po gjykohen në Hagë.
Përmes një postimi në Facebook, BIK-u, bën të ditur nesër, në hytben e xhumasë, në të gjitha xhamitë e Kosovës do t’u bëjë thirrje besimtarëve t’i bashkohen këtij marshi, përcjell Arbresh.info.
“Bashkësia Islame e Kosovës përkrah dhe mbështet marshin për drejtësi të ftuar nga iniciativa “Liria Ka Emër”, në mbështetje të ish-krerëve të UÇK-së. Bashkësia Islame e Kosovës beson fuqishëm në pastërtinë e luftës së drejtë të UÇK-së dhe vlerëson lart sakrificën e UÇK-së për lirinë e vendit, si një nga vlerat më të larta e të shenjta të popullit tonë”, thuhet në njoftim.
Mes tjerash, u kanë bërë thirrje të gjithë besimtarëve që për hir të gjithë dëshmorëve të bashkohen në marsh.
“Me këtë rast, Bashkësia Islame e Kosovës fton dhe bën apel te të gjithë besimtarët që në shenjë respekti e vlerësimi për sakrificën sublime të UÇK-së, dhe për hir të të gjithë atyre dëshmorëve që dhanë jetën për liri, të marshojmë të gjithë së bashku për drejtësi për ish-krerët e UÇK-së në mënyrë që t’i dalim zot vlerave tona të shenjta”, thuhet tutje në njoftimin e BIK-ut.
Moti me diell në vikend, IHMK kërkon kujdes për fëmijët dhe ...
Ferizaj: Pesë emigrantë ilegalë hasen në rimorkion e një kam...
DASH pritet të shkarkojë mbi 1 mijë e 300 punonjës
Bunkeri i Ulpianës po shndërrohet në një qendër arti dhe ku...
Evropa shënon rekord të ri të popullsisë me mbi 450 milionë ...
Gërvalla merr pjesë në ”Forumin e Dubrovnikut”