7 Marsi, Meta dhuron 50 libra për shkollën “Azem Bejta” në Prekaz

12:36 | 7 Mars 2023
Vjollca Gajraku

Kryetari i Partisë së Lirisë Ilir Meta për nderë të 7 Marsit Ditës së Mësuesit ka dhuruar 50 libra dhuratë për bibliotekën e shollës “Azem Bejta” në Prekaz.

Përmes një postimi në facebook Meta ka uruar të gjithë mësimdhënësit dhe nxënësit për 7 Marsin.

“Me një kartolinë urimesh dërgova pesëdhjetë libra dhuratë për bibliotekën e shkollës “Azem Bejta” të Prekazit. Gëzuar të gjithë nxënësve dhe mësuesve për 7 Marsin, ditën e Arsimit Shqip, “Ditën e Mësuesit”! Detyra e nxënësve është e përditshme, të mësoni e të lexoni. Ndërsa detyra jonë si politikanë është t’i përkrahim mësuesit e nxënësit shqiptarë kudo që ata ndodhen, në trojet e tyre historike dhe në diasporë. Kjo ditë këtë vit shënon edhe 25-vjetorin e rënies së Adem Jasharit, kryesimbolit të përpjekjes shqiptare për liri e dinjitet. Lavdi e përjetshme heroizmit të Jasharëve”, ka shkruar Meta./arbresh.info