Nënkryetari i Lidhjes Demokratike të Kosovës (LDK), Lutfi Haziri, në lidhje me takimin e nesërm Kurti – Vuciq, ka thënë se Kosova del e lënduar nga bisedimet nëse krijohet Asociacioni i komunave me shumicë serbe pa njohjen reciproke.

Haziri tha se LDK-ja në bisedimet e Vjenës kishte arritur ta largojë nga tavoilina Asociacionin.

“Nëse krijohet Asociacioni pa njohjen nga Serbia, atëherë i bie që Kosova po jep gjithçka, për kurrgjë. Në këtë mënyrë, Kosova ka me dalë ‘e lënduar’ prej procesit. Sa për rikujtim, çështja e Asociacionit ka qenë pjesë edhe e bisedimeve në Vjenë dhe ne kemi arritur me pragmatizëm politik ta eliminojmë, ta heqim prej tavolinës. “, ka shkruar Haziri në Facebook, përcjell arbresh.info.

Tutje, numri dy i kësaj partie ka thënë se nesër kryeministri Kurti do ta dëshmojë se cili version i tij është funksional, ai i opozitës, apo si pranues i ndarjes de jure të Kosovës.

“Do ta këtë nesër ditën për të dëshmuar se cili Kurti do të jetë në funksion – Kurti opozitar, kryeministër e kundërshtues apo Kurti pranues e ndarës de jure i një pjesë të Kosovës.A do të mbetet Mister No apo jo, do të provohet për herë të parë nesër.”, ka shkruar ai.