Lideri i Partisë Demokratike të Kosovës, Memli Krasniqi ka njoftuar se më 28 nëntor, me rastin e 68 vjetorit të lindjes së heroit tonë kombëtar, Adem Jashari planifikohet që shtatorja e tij do të vendoset në zemër të kryeqytetit.

Krasniqi këtë e bëri të ditur përmes një videoje të postuar në rrjetin social Facebook, përcjell arbresh.info/

“Me 28 nëntor, me rastin e 68 vjetorit të lindjes së heroit tonë kombëtar, Adem Jashari, njëkohësisht Ditës së Flamurit dhe daljes publike të UÇK-së, planifikohet që shtatorja e Komandantit Legjendar të vendoset aty ku e ka vendin, në zemër të kryeqytetit. Bac, mezi po presim!”, ka shkruar Krasniqi deri sa përmes një videoje atij i është bashkangjitur edhe Leutrim Retkoceri kryetar i grupit parlamentar të PDK-së në Prishtinë.

Retkoceri ka thënë se Prishtinës i ka munguar shtatorja e heroit tonë kombëtar.

“ Prandaj sot jemi tejet krenar që si grup i asamblistëve të PDK-së kemi pasur nderin dhe mundësinë që të shtyjmë përpara këtë projekt”, u shpreh ai.