Qytetarët e Deçanit solidarizohen me familjen Pajaziti (Foto)

17:44 | 19 Dhjetor 2015
M. A.

Qytetarë të shumtë sonte në qendër të Deçanit kanë ndezur qirinj për t’u solidarizuar me familjen e Donjeta Pajazitit e cila është gjetur e vdekur në Bjeshkët e fshatit Strellc të komunës së Deçanit.

Qytetarët se bashku me kryetarin e komunës së Deçanit, Rasim Selmanaj kërkuan nga hetuesit e drejtësisë të merren seriozisht me rastin dhe të dënohen kryesit e kësaj vepre, transmeton arbresh.info

“Deçanin e ka kapluar dhembja për vrasjen e mistershme të Donjeta Pajazitaj. Të gjithë duan zbardhjen e kësaj vrasje që shpirti i Donjetës të prehet i qetë e në paqe”, shkruan kryetari Rasim Selmanaj në llogarinë e tij në Facebook.

Varrimi i Donjeta Pajazitaj bëhet nesër me datën 20 dhjetor në fshatin Strellc i Ulët në ora 14.00./Arbresh.info