Lojtarët e ekipit Aster në Dota 2 pretendojnë se organizata ju detyrohet një numër të madh çmimesh dhe pagesash

19:15 | 6 Shkurt 2023
E.H

Skena kineze në video-lojën Dota 2 ka pasur një fillim plot ngjarje në vitin 2023, duke nisur nga akuzat për mashtrime deri te pretendimet për trukim ndeshjesh.

Tani pjesë e këtyre ngjarjeve jo të këndshme është bërë edhe organizata Asters, që po akuzohet nga ish lojtarët për mos dhënien e pagave dhe çmimeve.

Më herët sot, Zhang “LaNm” Zhicheng dhe Zeng “Ori” Jiaoyang folën në Weibo në lidhje me pagesat e vonuara nga Aster, duke përfshirë pagesat e pagave dhe çmimeve, shkruan telegrafi.

Gjithashtu një tjetër ish-lojtar, Pan “Fade” Yi, pretendoi se atij organizata i detyrohen pagesa nga viti 2020 shkruan dotesports.

Ndërkaq deri më tani organizata Aster nuk ka dhënë ndonjë deklaratë në lidhje me akuzat.