Limaj uron Vitin e Ri: Festat e gëzimet nuk janë të njëjta pa çlirimtarët që po mbahen padrejtësisht në Hagë

19:08 | 31 Dhjetor 2022
E.H

Kryetari i Nismës Socialdemokrate, Fatmir Limaj, ka uruar qytetarët për Vitin e Ri, duke përmendur edhe ish-krerët dhe pjesëtarët e Ushtrisë Çlirimtare të Kosovës që janë në Hagë.

Me anë të një postimi në rrjetin social Facebook, Limaj ka deklaruar se 2022-ta ishte një vit plotë me sfida, që shpreson se viti i ardhshëm të jetë vit i unitetit dhe fitoreve.

“Në veçanti uroj familjet e dëshmorëve, martirëve, invalidëve dhe bashkëluftëtarëve, që falë sakrificës së tyre sublime sot gëzojmë në liri e shtet, derisa festat e gëzimet nuk janë të njëjta pa çlirimtarët që po mbahen padrejtësisht në Hagë”, ka shkruar ai.

“Gëzuar 2023, qoftë vit i mbarë për Kosovën dhe shqiptarët!”, ka thënë Limaj./arbresh.info/