Presidentja e Vendit, Vjosa Osmani ka vizituar sot në prag të ndërrimit të motmoteve policët në pikat kufitare në Bërnjak, bazat policore në Jasenovik e Bërnjak si dhe në kampin ‘Belvedere’.

Më anë të një postimi në Facebook, Osmani bëri të ditur se bashkë me ministrin e Punëve të Brendshme, Xhelal Svecla i falënderuan policët  për shërbimet e tyre në vend.

Si shenjë falënderimi, Osmani ka dekoruar njësi e zyrtarë policorë me Medaljen Presidenciale për Siguri.

Krejt në fund Presidentja u uroj policisë Vitin e Ri 2023 me dëshirën për suksese të mëtejmë për Republikën e Kosovës.

Postimi i saj i plotë:

Në prag të ndërrimit të motmoteve, vizituam policët tanë në pikën kufitare në Bërnjak, bazat policore në Jasenovik e Bërnjak si dhe në kampin ‘Belvedere’.

Së bashku me Ministrin Sveçla, i falenderuam për shërbimin e tyre ndaj vendit, në mbrojtje të sovranitetit tonë e për siguri të të gjithë qytetarëve, pa dallim.

Si shenjë të këtij vlerësimi, kam dekoruar njësi e zyrtarë policor me Medaljen Presidenciale për Siguri.

Poashtu, të gjithë pjesëtarëve të policisë u uruam Vitin e Ri 2023 me dëshirën për shëndet për ata e familjet e tyre si dhe për suksese të mëtejme për Republikën tonë./arbresh.info/