Turqia është zemëruar me refuzimin e Suedisë që të ekstradojë një gazetar, të cilin Ankaraja e kërkon në këmbim të ratifikimit të anëtarësimit të Stokholmit në NATO.
Presidenti i Turqisë, Recep Tayyip Erdogan, dëshiron që Suedia të kthejë dhjetëra persona që Ankaraja dyshon se janë të përfshirë në grusht-shtetin e dështuar të vitit 2016 apo se janë anëtarë të milicisë së ndaluar kurde, që edhe Shtetet e Bashkuara dhe Bashkimi Evropian i cilësojnë si “terroristë”.
Por, tani kryeredaktori i të përditshëm Zeman, Bulet Kenes, ishte i vetmi person që Erdogan e përmendi me emër.
Gjykata Supreme e Suedisë ka arsyetuar vendimin për bllokimin e ekstradimit duke u thirrur në rrezikun se Turqia “do të ndjekë penalisht bazuar në pikëpamjet politike të këtij personi”.
Ministri i Jashtëm i Turqisë, Mevlut Cavusoglu, tha se ky vendim i gjykatës suedeze kërcënon progresin që palët kanë arritur gjatë muajsh bisedime për ratifikimin e anëtarësimit të Suedisë në NATO.
“Refuzimi i kërkesës sonë për ekstradimin e Bulent Kenes është një zhvillim shumë negativ”, tha Cavusoglu për gazetarët.
Pas nisjes së pushtimit rus të Ukrainës, Suedia dhe Finlanda vendosën të aplikonin për anëtarësim në NATO.
Turqia dhe Hungaria janë dy shtetet e vetme të NATO-s që ende nuk kanë ratifikuar anëtarësimin e këtyre dy shteteve në aleancën ushtarake./rel/
Përleshja në Ferizaj, i përfshirë edhe reperi Buta – policia...
Grabitje e armatosur në Zym të Prizrenit, sulmohen dy qyteta...
Kapet sasi e madhe drunjsh në kufi me Serbinë, policia jep d...
Shtetasja serbe raporton rrejshëm sulmin ndaj vajzës së saj,...
Man City kampion i Anglisë? Pep Guardiola tregon se si mund ...
Brikena nuk arrin ta prek finalen e madhe të Big Brother Alb...