Këtë të diel, mbahet mbrëmja e madhe e ndarjes së çmimeve europiane të muzikës MTV Europe Music Awards.

E veçanta e këtij edicioni është se në pjesëmarrje do të jenë shumë artist shqiptarë.

Këngëtarja kosovare me famë botërore, Rita Ora do ta prezantoj MTV EMA në krahët e bashkëshortit të saj, Taika Waititi.

Këngëtaret shqiptare, Bebe Rexha dhe Ava Max do të përformojnë disa këngë.

Ndërsa ylli botëror,  Dua Lipa është e nominuar së bashku me to për çmimin “Bashkëpunimi më i mirë”.

Nga ana tjetër, për të katërtën herë radhazi, në kategorinë “Artisti/ja më i/e mirë në Zvicër” është nominuar rep-artistja, Loredana.

Mesa duket ky edicion do të mbahet mend për popullin tonë, sepse me siguri në një moment do të flitet edhe gjuha jonë shqipe. Deri atëherë nuk na mbetet veçse të presim./arbresh.info/