Michele Ristuccia vizitoi BIK-un: Fetë mund të kontribuojnë në përmirësimin e dialogut dhe bashkëpunimit

18:55 | 1 Nëntor 2022
E.H

Komandanti i misionit të KFOR-it të udhëhequr nga NATO, gjeneralmajor Angelo Michele Ristuccia, sot është takuar me Myftiun Naim Ternava, autoritetin më të lartë të Bashkësisë Islame të Kosovës.

Përmes një njoftimi për media bëhet e ditur se Michele Ristuccia theksoi se si fetë mund të kontribuojnë në përmirësimin e dialogut dhe bashkëpunimit.

Ai ripohoi përkushtimin e paanshëm dhe efektiv të KFOR-it për të mbështetur paqen, bashkëpunimin dhe përparimin për të gjithë njerëzit që jetojnë në Kosovë, si mandat i tij i bazuar në Rezolutën 1244 të Këshillit të Sigurimit të Kombeve të Bashkuara të vitit 1999.

Kujtojmë se më herët gjatë ditës, Angelo Michele Ristuccia ka zhvilluar vizitë edhe në Manastirin e Deçanit./arbresh.info/