Në objektin e Gjykatës Themelore në Ferizaj po mbahet seanca e shqyrtimit gjyqësor në çështjen penale kundër të pandehurve, Dardan Krivaqa dhe Arbër Sejdiu, të akuzuar për vrasjen mizore të së ndjerës, Marigona Osmani.

Kjo është seanca e dytë që nga ngritja e aktakuzës për vrasjen e vajzës nga Ferizaj.

Gjatë fjalës së tij para trupit gjykues, Krivaqa i ka kërkuar falje familjes së 18-vjeçares.

“Ajo që thotë prokurori s’ka ekzistuar kurrë. Nuk qëndron. Është duke u devijuar nga realiteti dhe e vërteta”, tha Krivaqa.

Ndërkaq i akuzuari tjetër, Arbër Sejdiu, u deklarua po ashtu vet, duke thënë se nuk e pranon fajësinë.

Për dallim nga seanca e kaluar, i akuzuari për vrasjen e Marigona Osmanit, Dardan Krivaqa, sot e ka ndryshuar deklaratën e tij në gjykatë dhe u shpreh se ajo që thotë prokurori nuk qëndron dhe se sipas tij, është devijuar nga e vërteta.

Kujtojmë se në seancën e kaluar, Krivaqa kishte shpërthyer në vaj para trupit gjykues duke thënë se “nuk po them që jam i pafajshëm, por nuk e di”./arbresh.info/