Këngëtari Harry Styles ishte edhe një herë viktimë e një publiku të zhurmshëm. Në gusht të këtij viti, gjërat u çrregulluan në koncertin e këngëtarit britanik në Nju-Jork, pasi fansat filluan t’i hidhnin ushqim në skenë.

Këtë herë, në Çikago, ai u vu në shënjestër të një shisheje. Në incidentin e dytë të fansave të karrierës së tij jashtëzakonisht të suksesshme, njëri nga ta hodhi një shishe në skenë dhe rezultoi që ta godiste pikërisht tek zona intime, saktësisht në pjesën e ijeve.

Harry u përkul dhe i kapi pjesët intime nga dhimbja. Por, për fat të mirë, ai nuk po performonte një këngë në atë moment, teksa përfundoi duke thënë se – “Tani kjo është për të ardhur keq”, shkruan Page Six.

Por humori që e karakterizon artistin, nuk mungoi as pas incidentit. Ai vazhdoi të këndonte si të mos kishte ndodhur gjë duke e argëtuar audiencën e gjerë me këngët e repertuarit të tij.

Artisti tani do të bëjë një pushim të shkurtër, përpara se të vazhdojë turneun e tij nëpër Shtetet e Bashkuara të Amerikës. /arbresh.info/